CAGAYAN DE ORO CITY-Matangtang sa iyang trabaho si PFC Arnold Bitay kon makit-an nga sad-an tungod sa paggamit ug pagbaton sa gidiling droga samtang aktibo sa pagserbisyo sa pagka-sundalo sa 4th ID,Philippine Army.
Panganti kini ni 4th ID spokesperson Capt Joe Patrick Martinez tungod sa pag-positibo ni Bitay sa paggamit sa shabu
dihang gipaubos sa drug test sa miaging adlaw.
Namahayag si Martinez nga si Bitay ang ikaduha nga sundalo sulod ning bulana nga nasapon paggamit sa droga hinungdan nga gikustodiya sa Military Police Company sa kampo.
Una niini,igo na lamang gipa-record ni 1st Lt Lorefel Judaya sa Carmen Police Station ang pagkasikop nila ni Bitay sa miaging adlaw.
Si Bitay ang nasikop atol sa subli pagtunga sa kampo gikan sa pagsilbing absent without leave o AWOL.
