CAGAYAN DE ORO CITY – Nasunog ang ubay-ubay’ng boarding house nga gisak-an sa mga estudyante sa University of Science and Technology o USTP ug mga trabahante sa Lawesbra,Brgy Lapasan ning syudad.
Gitumbok ni BFP ground commander SFO4 Sam Velarde nga nagsumikad sa balay ni Salvacion Selebrico ug paspas mikaylap sa katupad nga kabalayan.
Hinoon,walay mga tawo nga samaron sa hitabo.
Anaa sa bana-banang 800-mil pesos ang damyos sa sunog nga gitoohang tungod sa multiple connections nga saksakan sa koryente.
Dugtong niini,mihangyo si Lapasan Punong Brgy Julieto ‘Litlit’ Ogsimer sa dugang mga tabang aron mahatag sa mga biktima sa nasunugan nga ilang gipahimutang sa covered court sa Sto Niño sa ilang lugar.
Siya miingon nga limitado lang ang ilang magahom pagtabang sa mga biktima sa nasunugan rason nga bukas ang ilang buhatan alang sa pagdawat sa mga tabang ngadto sa mga apektado.
Una nang gipasabot ni Ogsimer nga dili mahimong ihurot paghatag ang 5 percent calamity funds sa brgy kay dili matagna ang mga kalamidad o trahedya nga moigo sa tuig.
