CAGAYAN DE ORO CITY – Wala motala’g bisan unsa nga casualty ang miigo nga sunog sa pipila ka balay sa Zone 5,Brgy Población,Tagoloan,Misamis Oriental kagabii.
Kini subay sa gihimong assessment sa Tagoloan MSWD nga gilayong nangantiman sa mga apektadong pamilya sa moang sunog.
Namahayag ang buhatan ni Tagoloan Mayor Nadya Emano-Elipe nga kay paspas napalong ang kalayo,anaa lang sa upat ka balay ang naugdaw apan luwas ang mga tagbalay niini.
Samtang gibutyag usab sa Bureau of Fire Protection o BFP-Tagoloan nga pasiunang mitala sa 300-mil pesos ang structural damage sa maong hitabo.
Gilayong gipaabtan sa pasiunang tabang sa munisipyo ang ihap sa mga pamilya nga apektado sa sunog.
