CAGAYAN DE ORO CITY-Blangko ang tag-iya sa panimalay kon unsay tinubdan sa sunog nga miulbo sa ilang kusina sa Phase 1, Block 26 sa Xavier Heights, Upper Balualng ning syudad.
Sumala sa tag-iya nga si Engr Nestor Ipanag nga dugay na nga wala nila gipuy-an ang maong panimalay apan adunay mga appliances nga nabilin sa sulod niini.
Nagtoo si Ipanag nga electrical ang hinungdan kung nganong adunay kalayo nga miulbo sa ilang kusina base sa pahayag sa ilang silingan.
Samtang mioabot sa 150-mil ka pesos ang damyos sa maong sunog.
Matud ni FO3 Imelda Barasan sa Bureau of Fire Protection nga ila pang giimbestigaran ang tinubdan sa sunog apan wala nila isalikway ang posibilidad nga electrical ang hinungdan kung nganong adunay kalayo nga miulbo sa kusina sa panimalay sa pamilyang Ipanag.
