CAGAYAN DE ORO CITY – Duha ka tawo ang samaron sa pagkasunog sa duha ka balay sa Aluba, Brgy Macasandig, ning syudad, kagahapon.
Gibutyag ni Deputy for Operations Fire Marshall Sam Lawrence Velarde nga gipanag-iya nila Angelita Salobre ang nasunog nga dakung balay, ug partially damaged ang ilang silingang balay nga iya ni Mary Jane Gallilea.
Kapin kon kulang P500,000 ang damyos sa sunog. Misaka pa sa 3rd alarm ang sunog tungod kay gama sa kahoy ug plastic ang interior nga bahin sa balay mga biktima.
Lakip sa naluwas ang napulo ka mga dagku ug gamay nga mga mixed breed nga mga iro.
Nagsugod ang kalayo alas 1:30 sa hapon ug na fireout human sa usa ka oras.
