Sa interbyu sa Bombo Radyo kang Melody Sabanal, usa sa nasunugan, nga gibana-bana nga muabot sa kapin 100 ka balay ug 800 ka indibidwal ang apektado sa sunog sa Abellanosa St.,Barangay 17 ning syudad.
Gikompirmar ni Barangay Kapitan Anthony Atterviry III nga kini na ang ikalima ka higayon nga sila nasunogan, kundiin upat kahigayon na napugngan kay kada eskena adunay gimuntar sila sa fire extinguisher.
Emosyonal ang kapitan sa maong barangay kay kapila na sila gahimog simultaneos fire drill apan, ning tuiga, wala nila napugngan ang ikalima nga sunog sa ilang dapit.
Subay sa report, pulos dikit ang mga balay nga gama sa light materials hinungdan nga paspas ang pagkuyanap sa kalayo.
Maoy gitumbok sa mga apekatdong residente nga hinungdan sa sunog mao nabiyaan nga haling sa balay ni Angelito Bolasito.
Gihimakak ni Bolasito ang akusasyon ug namugos nga wala siyay nabiyaan nga hinaling kay hinanok iyang katulog dihang midako na ang kalayo sa iyang balay, ayha naka gawas.
Wala pay opisyal nga pahayag ang nagresponde nga mga miyembro sa Bureau of Fire Protection kung unsa ang hinungdan sa sunog.
Misaka pa sa 4th alarm ang sunog.
