CAGAYAN DE ORO CITY, Philippines – Milusad na sa subsob nga imbestigasyon ang Bureau of Fire Protection sa sunog nga nahitabo sa Zone 3 Barangay Patag ning syudad, kaganinang udto.
Lima ka balay ang hurot ka ugdaw ug usa ang nadamyos.
Dili muminos sa 25 ka pamilya ang apektado sa sunog.
Segun sa inisyal nga impormasyon, nagsumikad ang kalayo sa balay nga gipanag-iya ni Cecelia Bollozos.
Misaka pa sa ika-upat nga alarma ang sunog tungod sa grabeng pagdilaab sa kalayo.
Sa pakighinabi sa media, namahayag si City Fire District Operation Chief Fire Senior Inspector Kyle Bryan Lauzon nga posible’ng electrical short circuit ang hinungdan sa kalayo.
