Mukabat sa 600k ang estimated structural damage human ang nahitabong sunog sa Cedar Barangay Camaman-an kagahapon sa buntag.
Sumala ni Kagawad Alicia Cabili sa Brgy. Camaman-an nga anaa sa 19 ka mga balay ang totally damaged samtang tulo ang partially damaged.
Mikabat usab sa 138 ka mga indibidwal ang apektado sa maong insidente kinsa anaa na karon giatiman sa barangay ug gipahimtang sa mga tents.
Matud pa ni Kagawad Cabili, usa ka 19 anyos nga batan-ong lalaki ang nakalas ang kinabuhi human kini naninguha sa pagluwas sa duha ka bata gikan sa kalayo apan naigo sa live wire.
Busa, nanawagan ang opisyal sa mga buot mohatag og hinabang nga mahimong modiretso sa Camaman-an Covered Court.
