CAGAYAN DE ORO CITY -Misaka pa sa 180 ka pamilya ang apektado sa dakong pag-ulbo sa sunog sa Zone 3,San Lazaro,Brgy Lapasan ug porsyon sa Brgy Puntod ning syudad sa miaging adlaw’ng Domingo.
Kini human kompirmaha ni Lapasan Punong Brgy Julito Ogsimer nga anaa sa 160 ka pamilya o dul-an libo ka residente ang apektado sa sunog.
Siya miingon nga kasamtangang gipang-atiman nila ang maong mga biktima sa temporary shelters sa brgy samtang pangitaan sa paagi makabalik sa ilang mga giugbukan sa mga puy-anan niini.
Sa pikas bahin,gibutyag usab ni Puntod Punong Brgy Alexis Dacer nga anaa sa 20 ka pamilya ang apketado sa pag-ulbo sa sunog sa Brgy Lapasan nga milahos sa ilang teritoryo.
Hinoon,wala na makayunap pa’g dugang sa laing kabalayan ang sunog kay paspas kining gipalong sa mga bombero.
Hisayrang mitala sa dili moubos 180 ka balay ang nasunog resulta sa pagka-apektuhi sa mga biktima diin sobra subay sa Bureau of Fire Protection o BFP anaa sa 1.5 milyones pesos ang structural damage.
