CAGAYAN DE ORO CITY-Gi-angkon sa El Salvador Bureau of Fire Protection nga nagkalisud sila’g sulod sa residential area diin nahitabo ang dakong sunog sa Zone 8 Molugan El salvador City,Misamis Oriental.
Gibutyag ni FO1 Lee Michelle Cañete nga dili maagi-an sa fire truck ang nasunog nga balay nga gipanag-iyahan ni Roger Dajao hinungdan nga totally burned ang iyang balay.
Base sa ulahing imbestigasyon, posibleng ang nabiyaang linuto ug ilegal connection sa kuryente ang hinungdan sa
kalayo.
Gibana-bana na kapin P20mil ang damyos sa sunog.
Hinoon, usa ra ka balay ang nasunog ug wala natalang samaron o namatay human nakagawas ang tanan banay sa pamilyang Dajao sa gikan sa ilang nasunog nga balay.
