CAGAYAN DE ORO CITY, Philippines – Nahimo nang typhoon category ang Bagyong Pepito, human kini misaka pa sa super typhoon category, sukad adlaw Sabado. Apan ning adlaw ang dautang panahon padayong mihinay human kini miigo sa landmass ilabe na sa kayutaan sa Regions 1, 2 ug Northern Luzon.
Ang matag sa bagyo ulahing nasiplatan sa 150 km West Southwest sa Sinait, Ilocos Sur. Mukabat sa 185 km/h ang pinaka-kusog nga hangin nga dala sa bagyo, duol sa sentro, ug paghaguros nga muabot sa 305 km matag oras. Paspas ang pag-aginod sa bagyo tungod kay anaa sa 25km matag oras ang pag-abante niini, padulong sa Amihanan Kasadpang direksyon.
Alang sa sunod 24 oras, masinatian ang kusog nga hangin ug pag-ulan sa Metro Manila, Ilocos Region, Cordillera Administrative Region, Central Luzon, Isabela, Nueva Vizcaya, Quirino, Quezon, Laguna, ug Rizal. Taas ang tsansa sa baha ug dahili sa yuta.
Samtang matagamtaman ang kusog nga huyop sa hangin sa Occidental Mindoro, Oriental Mindoro, Marinduque, Camarines Norte, Camarines Sur, nahibiling bahin sa Cagayan Valley, ug nahibiling bahin sa CALABARZON. Busa, amping ta sa mga manglupad nga atop o kabtangan.
Ang MIMAROPA makasinati sa ulan nga dala sa trough sa Bagyong Pepito, taas gihapon ang tsansa sa pagbaha ug dahili sa yuta.
Ang ubang bahin sa Pilipinas, ilabe na sa Northern Mindanao, makasinatia sa localized thunderstorms, ilabe sa hapon o gabie.REGIONAL FORECAST:
Ang syudad sa Cagayan de Oro makatagamtam sa fine weather tungod kay nipis lamang ang tsansa sa pag-ulan o anaa lamang 10% chance of rain sa hapon o gabie. Anaa sa 13km matag oras ang huyop sa hangin. Ang sukod sa temperatura muabot sa 24-33 °C. Ang Heat index musukod sa 40°C
Ang Visayas Area makahiagom sa 10% chance of rain apan kasarangan padulong sa kusog ang huyop sa hangin nga muabot sa 24km matag oras. Ang general temperature sa Visayas muabot sa 25 °C hangtud sa naglagiting nga 34 °C. Ang heat index, misaka pa sa 42°C
Ang Manila-NCR area magbaton sa kusog nga ulan o 52% chance of rain sa tibook adlaw. Dala niini ang kasarangan padulong sa kusog nga hangin nga muabot sa 23km matag oras. Ang sukod sa temperatura muabot sa 26-33 °C. Ang heat index, ilabe na sa hapon musaka pa sa 42°C.
SUNRISE: 5:35
SUNSET: 5:18
