Gihupay sa Department of Agriculture ang kabalaka sa publiko kalabot sa suplya sa bugas sa Northern Mindanao.
Namahayag si DA-10 Regional Director Jose Apollo Pacamalan nga aduna pay bugas hangtud sa musunod nga tolo hangtud upat ka bulan, subay sa ilang monitoring.
Gibutyag sa opisyal nga gilauman nga adunay mahurot nga 14,700 ka ektarya sa humay sa Abril nga matandi sa 25 ka adlaw nga suplay. Samtang aduna usab umalabot nga ani sa bugas-humay sa sunod bulan.
Wala pay labot niini ang dugang itanom sa rehiyon ning bulana.
Gawas niini, adunay reserba nga imported nga bugas nga muabot sa 2,700 ka metriko toneladang ug mulungtad kini sa duha ka bulan nga suplay.
Hinoon, kung muabot ang posibilidad nga magnihit ang supplay sa bugas, daghang alternatibo nga mahimong ikonsumo sa tawo sama sa managlahing root crops ug prutas.
