Gipadayag ni Bureau of Fisheries and Aquatic Resources (BFAR) Spokesperson Nazario Briguera nga igo ang kasamtangang suplay sa isda sa nasud taliwala sa epekto sa grabeng El Niño nga gilaumang molungtad hangtud sa una nga quarter sa tuig.
Matud ni Briguera, igo ug lig-on ang suplay sa isda sa nasud basi sa mark monitoring ug sa pagtala nila sa sitwasyon sa mga merkado, diin walay nakitang problema sa suplay.
Bisan pa niana, gibutyag sa tigpamaba nga gilauman gihapon nila ang posibilidad nga adunay mahitabong hagit sa suplay kon ugaling mahimong lapad ang epekto sa El Niño sa nasud.
Dugtong niini, gipasalig usab ni Briguera nga duna na silay gi-andam nga mga lakang aron dili direktang maapektuhan ang suplay sa isda sa mga merkado dinhi sa nasud. (raniel mahunyag)
