Giangkon ni Cagayan de Oro City Agriculturist Engr. Bernie Daba nga walay nadawat nga reklamo ang ilang opisina gikan sa mga mag-uuma taliwala sa nasinatiang kainit sa panahon.
Gitin-aw sa maong opisyal nga nagpabilin nga sakto ang suplay sa tubig ug kagamitan sa mga irigasyon alang sa mga kaumahan.
Hinungdan nga dili apektado ang suplay sa mga farm products sa dakbayan tungod kay padayon pa ang pag-ani sa mga lokal nga mag-uuma karong bulana.
Hinuon, gipahinumdoman gihapon kadtong mga mag-uuma nga gasalig ra sa ulan nga kung mahimo dili sa magtanom karong panahona aron malikayan ang pagkalugi.
Gawas pa niana, andam usab ang kagamhanan sa paghatag og mga alternatibong panginabuhian pinaagi sa ilang drought contingency plan alang sa mga posibleng maapektuhan.
