CAGAYAN DE ORO CITY, Philippines – Gipaniguro sa Bureau of Plant and Industry o BPI nga nagpabiling igo ang suplay sa sibuyas sa nasud alang sa nagkaduol nga selebrasyon sa Pasko ug Bag-ong Tuig.
Subay sa data sa BPI, gitugutan nga ma-apud sa managlahing merkado ang mukabat 16,000 metriko tonelada sa sibuyas. Kini nga gidaghanon, bastante pa kutob sa tibook bulan sa Disyembre.
Miingon ang ahensya nga sa bulan sa Enero 2025 sugdan na ang ting-ani, busa walay tsansa nga magkulang ang sirkulasyon sa managlahing klase sa sibuyas sa pagsulod sa unang kwarter sa tuig.
Sa kasamtangan, ang presyo matag kilo sa sibuyas anaa lamang sa 80-120 pesos. Pinakamahal nga klase sa sibuyas mao ang white onion.
