Andam na ang Cagayan de Oro Water District kon COWD sa ilang emergency response plan nga may upat ka ang-ang aron matubag ang posibleng krisis sa tubig taliwala sa nagapadayong kainit sa panahon.
Sa giluwatang pahayag ni COWD Spokesperson Engineer Kim Ferido, nagpabilin pa sa normal nga operasyon ang tanang production wells sa dakbayan apan aduna na silay gipahimutang nga real-time monitoring system aron masubay ang agay sa tubig.
Gipasabot sa opisyal nga kon magpahibalo na ang PAGASA sa pagsulod sa hulaw, gilayon nilang ipatuman ang Unang Ang-ang diin ipahigayon ang lapad nga kampanya sa pagdaginot sa tubig sa matag panimalay.
Subay niini, moabot sa Ikaduhang Ang-ang ang ilang aksyon pinaagi sa pagkunhod sa pagbomba og tubig kon moubos na ang lebel sa ilang upat ka mga well field.
Dugang pa ni Ferido, mosaka na sa Ikatulong Ang-ang ang ilang lakang diin magbahin-bahin na sila og hatag sa tubig o water rationing kon makuhaan na gani og 30 porsyento ang supply sa dakbayan.
