Segun sa mga gibatonang hagit ug opresyon ni Vice President Sara Duterte, mas misaka hinuon ang suporta ug simpatiya sa katawhan alang kaniya.
Matud pa kang Atty. Nazir Ynawat, ang National President sa Alliance of Advocates of Federalism in the Philippines, nakatabang og dako ang paglibot ni Duterte sa nagkalain-laing bahin sa nasud ug ang paghatag niya og tabang sa mga biktima sa kalamidad ug sa mga kabus nga masa aron masabtan ang iyang sitwasyon.
Gani, samtang gibiyaan na siya sa ubang mga kaalyadong politiko, ang mga ordinaryong tawo ug nagkalain-laing organisasyon na mismo ang boluntaryong nagpanalipod kaniya karon.
Tungod niini, dayag nga gipadayag sa mga opresadong lumulupyo ang ilang dakong kasagmuyo sa gobyerno pinaagi sa paglig-on sa ilang hiniusang baroganan ug pagpaluyo sa bise presidente.
