Gisiguro sa Department of Agriculture (DA) ug Food Terminal Inc. (FTI) nga igo ang suplay sa bugas sa gobyerno alang sa padayon nga pag-panghatag sa “Benteng Bigas Meron na” (BBM) program.
Gipadayag ni Agriculture Secretary Francisco Tiu Laurel Jr nga padayon ang replenishment sa National Food Authority (NFA) sa ilang stock aron masiguro ang padayon nga pag-baligya sa mga “Kadiwa Stores” nga abli na sa tibuok nasud.
Giangkon usab sa kalihim nga makahatag sa stocking anxiety ang giyera sa Middle East, apan iyang giingon nga ang panic buying mahimong mosamot sa sitwasyon.
Gipasiugda pa niya nga adunay igo nga buffer stock tungod sa maayong ani karong tuiga ug gipahimangnoan nga limitado sa 10-ka kilo kada adlaw kada benepisyaryo ang mapalit aron malikayan ang hoarding. (By Phillip Ariata)
