CAGAYAN DE ORO CITY-Gireklamo sa Cogon United Market Vendors Association (CUMVA) ang kulang nga suplay sa bugas kanila sa National Food Authority kon NFA sa Cogon Market.
Gihangyo ni CUMVA Pres Engr Franklin Dagcuta ang ahensiya nga kung mahimo dugangan ang 30 ka sako nga alokasyon kanila sa NFA matag semana.
Sya miingon daghan gihapon mga kabus ang gapangita og barato nga bugas tungod kay kulang ang suplay sa NFA rice.
Samtang gitin-aw sa NFA-10 nga wala na sila’y ikahatag nga dugang suplay sa bugas Cogon Market.
Si Hazel Velacho, spokesperson sa NFA miingon nga anaa lamang sa 50 ka sako matag merkado ang ilang gi-alokar matag semana.
Tungod niini, nanawagan siya sa mga retailers nga limitahan lang sa matag 5 ka kilo ang mamahimong mapalit sa mga konsumante.
Gi-awhag usab niini ang publiko nga magmatinud-anon ug dili mangilad sa 5 kilos nga limit sa NFA rice matag pamilya.
