Naa sa peligro ang supply sa pagkaon sa nasud sa higayon nga hingpit nang moigo ang gidahom nga Super El Niño.
Mao kini ang gipasidaan ni Former Misamis Oriental Vice Governor ug Ekonomista nga si Joey Pelaez diin iyang giyagyag nga walay igong pondo ang gobyerno sa pagpangandam tungod kay naggikan ra sa utang ang budget sa nasud.
Busa ang tambag sa ekonomista sa katawhan, mag-ampo ug maningkamot na lang sa kaugalingong pamaagi aron makapangandam sa ilang kaugalingon.
Taliwala sa bahad sa krisis naghinaot ang kanhi opisyal nga magpabilin gihapon ang paglaum sa katawhan ug magsaulog og malinawong Pasko.-
