Giklaro sa Kagamhanang Lokal sa Cagayan de Oro nga wala nag-atubang og kakulangon sa supply sa tubig ang dakbayan taliwala sa hulga sa nagpaabot nga Super El Niño.
Sumala ni City Information Officer Jade Adeser nagpabilin nga luwas ug adunay igong kakuhaan sa tubig ang siyudad subay na usab sa koordinasyon niini sa Cagayan de Oro Water District.
Miingon si Adeser nga ang mamahimong pagsuway lamang mao ang paghinay sa agas sa tubig aron maseguro ang paglahutay ug sakto nga paggamit niini sa mga residente sulod sa sunod nga unom ka bulan.
Subay niini, nagpadayon ang panawagan sa buhatan ngadto sa publiko nga magdaginot ug mangandam aron dili mag-antus sa kalisud sa higayon nga moabot ang kabug-at sa El Niño
