CAGAYAN DE ORO CITY – Mitahan sa 49th Infantry Battalion,Philippine Army ang usa suporter sa grupong Dawlah Islamiya sa Lanao del Sur.
Giila ang surrenderee nga si Saiven Datukunug, residente sa Brgy Cadayunan, Lumbanayague sa maong lugar.
Dala ni Datukunug sa pagtahan ang iyang .30 US carbine rifle.
Sumala sa surrenderee nga siya ang tig-supply sa mga pagkaon sa Maute fighters dihang nahitabo ang engkwentro sa Butig, Lanao del Sur niadtong 2017.
Gipaubos sa custodial debriefing si Datukunug.
Nasayran nga sukad nabungkag sa militar ug kapolisan ang Maute-ISIS, sunod-sunod usab ang pagtahan sa ilang mga kaubana balik sa gobierno.
