Gi-rekomenda sa LTFRB-10 ug PDEA ang pagpahigayon og surprisang drug test matag tulo ka bulan sa tanang transport terminals sa Northern Mindanao aron hawanan ang mga kalsada gikan sa mga dangerous driver.
Gibutyag ni LTFRB-10 Regional Director Aljo Bendijo nga plano gani nilang himuong kada bulan ang maong operasyon human adunay pipila ka mga driver nga nagpositibo sa gipahigayon nga inspeksyon sa Agora ug Bulua terminals.
Gisumpay sa opisyal nga walay katarungan ang paggamit og pampapukaw nga droga tungod kay kinahanglang magpahuway ug magkuha og reliever driver ang mga kompanya sa bus ug van.
Hagit karon sa ahensya sa tibuok sektor sa pampublikong transportasyon nga sigurohon ang kaluwasan ug healthy living sa matag biyahe.
