CAGAYAN DE ORO CITY-Nagpabilin nga emosyonal ang mga survivor sa bagyong Sendong human gidumdom karong adlawa ang ikaunom nga tuig sukad mihapak ang dautang panahon sa syudad.
Kini human nagpabilin pang lab-as sa panumduman sa mga survivors ang kasakit nga ilang naagian ilabina nga nakita nila ang ilang mga minahal sa kinabuhi nga
gianod sa tubig-baha.
Sumala pa sa survivor nga si Saturnino Sambano, taga Sitio Cala-Cala, Barangay Macasandig nga hangtud karon dili pa siya makatoo kung nganong nasaka nila
sa iyang asawa ang dakong punoan sa acacia human gibahaan ang ilang balay.
Giila ni Sambano nga milagro ang maong panghitabo ilabina nga mao kato ang nakaluwas sa ilang kinabuhi.
