CAGAYAN DE ORO CITY – Gipakasama sa survivor nga si Jenelyn Pado nga lumad taga-Tigyao,Antique nga daw katapusan na sa kalibutan ang nasaksihan nga pagbuto sa bulkang Taal sa Talisay,Batangas.
Kini human nasakasihan ni Pado ang pagbuga sa aso gikan sa baba sa bulkan nga kinuyugan sa pagkilat sa miaging Domingo sa hapon.
Miingon si Pado kinsa kabahin sa daghang internally displaced persons sulod sa cockpit arena nga maglisod na sila’g balik sa ilang balay kay naguba usab kini epekto sa kusog nga linog.
Dili usab sila basta-basta makauli sa Antique tungod sa kapit-os sa panalapi hinungdan nag-antos na lamang sa kaguot sa bulangan isip evacuation centers sa libuang mga bakwit sa Batangas.
