CAGAYAN DE ORO CITY-Nabuhi pinaagi sa pagkaon sa “water lily” ingon man mga palwa sa gabi,saging ug pagpamunit sa junkfoods ang usa sa upat ka naluwas nga panday didto sa Brgy Raya Madaya,Marawi City kagahapong adlawa.
Sa eksklusibong pakighinabi sa Bombo Radyo kang Jun Abapo, 45, anyos nga iyang gibutyag ang dili ti-aw nga kaagi sa pagtagu-tago batok sa mga teroristang ISIS-Maute nga hunong sa pag-roving matag-eskina sa war zone.
Siya mi-angkon nga ang Lake Lanao ra ang labing luwas aron masalbar niya ang iyang kaugalingon gikan sa kamatayon.
Maoy nagsilbing kaabag niini ang tubig sa suba ug ang pagkaon sa water lily matag-higayon nga siya gutmon.
Dugtong niini, gi-angkon ni Abapo nga wala sila dayon nakalakaw sa dihang gipasipad-an sila nga atakehon sa mga terorista ang Marawi City niadtong Mayo 23.
