Nagtapok ang mga survivors ug mga aktibista sa Washington D.C. aron handumon ang unang anibersaryo sa kamatayon ni Virginia Roberts Giuffre, kinsa usa sa labing isog nga nibarog batok sa namatay nga sex offender nga si Jeffrey Epstein.
Gipanguluhan sa pamilya ug mga supporters ang usa ka vigil atbang sa White House isip pasidungog sa kaisog ni Giuffre nga nibutyag sa kamatuoran batok sa mga gamhanang tawo nga nalambigit sa maong sex trafficking ring.
Pinaagi sa maong kalihokan, subling naninguha ang mga survivors nga dili matabonan ang maong kaso ug maseguro nga manubag ang tanang kaalyado ni Epstein nga hantod karon wala pa nasentensiyahan sa balaod.
Dugang niini, gidasig sa mga aktibista ang gobyerno nga pakusgan pa ang proteksiyon alang sa mga biktima sa pagpamaligya sa katawhan aron hingpit nga mapakgang ang maong mangil-ad nga krimen.
Nagpabiling simbolo sa kamatuoran si Giuffre, diin ang iyang legasiya nagsilbing dalan aron padayong mabati ang tingog sa mga nagtinguha og hustisya sa tibuok kalibutan.
