CAGAYAN DE ORO CITY-Nadakpan sa Gingoog City Police Office ang suspek sa pagpamusil sa Purok 3, Brgy Punong, Gingoog City.
Giila ang dinakpan nga si Cim Salvane Guzmana, 25-anyos ug residente sa maong dapit.
Matud ni Gingoog City Police Office station commander Supt Ariel Philip Pontillas nga maoy gipatay sa suspek ang biktima nga si Teotimo Detecio Derecho, hingkod ang panuigon ug residente sa susamang dapit gamit ang .9mm pistol.
Nakaangkon ang biktima ug ubay-ubay ka samad pinusilan sa lawas hinungdan sa iyang kamatayon.
Hisayran nga nagkalalis ang biktima ug suspek tungod sa halin sa gasolina.
