CAGAYAN DE ORO CITY-Ipasaka sa kapolisan ang kasong murder batok sa ulitawo nga nakadunggab-patay sa iyang kaugalingong bayaw sa Brgy Lapasan ning syudad.
Kini human angkona ni Baby Jorge Mahinay, hingkod ang panuigon, ulitawo nga nahinaykan niini nag biktima nga si Reneboy Valer nga pulos nagpuyo sa maong lugar.
Miingon si Mahinay nga kon wala pa kini mahagit sa gipakitang taras ni Valer hayan dili mahinaykan.
Gani, wala unta’y plano si Mahinay nga mosibat human sa kremin apan nalisang kini sa mga tawo nga midalikyat sa ilang pinuy-anan hinungdan nga mitago una’g pipila ka oras sa Brgy Indahag ning syudad.
Nangayo’g pasaylo ang suspek sa pamilya ni Valer apan wala dawata hinoon kursada sila nga mabalhog kini sa bilangguan.
