CAGAYAN DE ORO CITY – Kasuhan sa kasupakan sa expanded anti-trafficking in persons act ang suspected bugaw nga nasikop sa entrapment operation sa Iligan City.
Kini human unang naluwas sa PNP ang lima ka babaye nga gilambigit sa suspek nga si Mardy Amor Sumalinog sa online prostitution sa maong syudad.
Miingon si Iligan City Police Office spokesperson Maj Jovanne Cabusas nga naluwas nila ang maong mga biktima mismo sa usa ka lodge sa Badelles Street,Iligan City sa miaging adlaw.
Una niini,nagtakuban sa pangalan nga Mawie Wilson si Sumalinog nga taga-Purok 9,Brgy Kiwalan aron makabiktima pinaagi sa facebook hinungdan nga gipaubos sa taas-taas nga monitoring ayha hingpit nadakpan.
