CAGAYAN DE ORO CITY – Napatay ang gidudahang carnapper sa Maramag ug Valencia City atol sa drug buy bust operation nga gipahigayon sa may Purok 10, Poblacion Sur, Don Carlos, Bukidnon.
Giila ang suspek nga si Bucare Macasasa alyas Tataro, residente sa Purok 1A, South Poblacion, Maramag, Bukidnon.
Sumala ni Don Carlos Police Station investigator Cpl Michael John Alde nga namusil ang suspek atol sa operasyon gamit ang iyang .45 pistol hinungdan nga nabaslan kini sa mga operatiba.
Nadakpan usab ang higala sa suspek nga si Richello Arcayan, 28 years old, single, jobless, ug residente sa Kianggat, Dangcagan sa maong probinsiya ug nakuhaan sa duha ka sachet sa shabu.
Samtang narekober sa posisyon sa napatay’ng suspek ang 15 ka sachet sa shabu ingon man ang iyang armas ug mga bala.
Hisayran nga pulos kanhiay gikan sa prisohan ang mga suspetsado.
