(Update) CAGAYAN DE ORO CITY – Nag-atubang sa kasong pagsupak sa Comprehensive Dangerous Drugs Act of 2002 ang magtiayong unang nadakpan sa mga sakop sa Regional Drug Enforcement Unit 10 sa Sitio Kamakawan,Brgy Indahag ning syudad.
Kini human unang nakuhaan sa RDEU 10 operatives sa halos 7 milyones pesos nga gitoohang shabu sa paglusad sa operasyon batok sa mga dinakpan nga sila Allan Sacote,30 anyos ug Teserleve Sacote,32 anyos nga nagpuyo sa Sambulawan,Brgy Agusan ning syudad.
Namahayag ang mga otoridad nga nakurat sila nga dinagko na ang gisudlang trasaksyon sa mga dinakpan sanglit wala sila sa listahan sa Camp Alagar monitoring.
Apil sa nakompiskar gikan sa mga dinakpan ang passenger taxi,timbangan sa droga ug ubang kagamitan sa kalihukang illegal.
Wala na mohatag komento pa ang mga dinakpan sa ilang gidangatan.
