CAGAYAN DE ORO CITY – Atubangon sa duha ka dinakpan nga babaye’g lalaki ang kasong pagsupak sa akta republika 9165 nga unang nadakpan sa anti-illegal drug buy bust operation sa Purok 16-A,Barangay Poblacion,Valencia City,Bukidnon.
Namahayag ang Police Regional Office 10 nga maoy target sa operasyon sa ilang lower units ang 35 anyos nga babaye nga si alyas Inday nga ubos p sa probation sa laing kaso nga giatubang sa korte.
Nadakpan usab ang kauban ni alyas Inday nga si alyas Ondoy,25 anyos diin sila managsama nagpuyo sa Bukidnon.
Nakompiskar sa mga otoridad ang sobra 16 gramos sa gitoohang shabu nga nagkantidad kapin 110-mil pesos ug ang 500 pesos nga gigamit isip buy-bust money.
Una nang gimando ni PRO 10 Director Brig Gen Ricardo Layug Jr ang walay paglurang sa kampanya kontra ilegal nga droga aron mapuo ang mga kalihukan sa mga sindikato ug daghang mga kinabuhi sa mga inosente ang maluwas.
