CAGAYAN DE ORO CITY – Napugos ang kapolisan pagpatay sa high value target dihang misukol sa drug buy bust operation sa Panguil, Lanipao,Lala, Lanao del Norte.
Giila ang namatay nga si Abdul javir Abubakar, 34-anyos, ulitawo ug residente sa maong lugar.
Gibutyag ni Lala Police Station Major Jonan Bañas nga unang namusil ang suspek sa operating team gamit ang iyang armas nga .38 revolver hinungdan nga nabaslan kini sa pagpamusil nga miresulta sa iyang kamatayon.
Dead on arrival sa hospital ang biktima dihang maigo sa .9 mm pistol.
Narekober sa posisyon sa suspek ang armas niini, mga buhing bala, motorsiklo, sachet sa shabu ug drug paraphernalia.
