CAGAYAN DE ORO CITY-Napatay sa laing anti-illegal drug buy bust opeartion ang miembro sa Batang Mindanao o BM 29 sa Brgy Pagalungan ning syudad kagabii.
Kini human giingong misukol sa gilusad nga joint operation sa City Drugs Enforcement Unit o CDEU ug Lumbia Police Station ang suspek nga si Jonas Cabanyez,38 anyos nga nagpuyo sa maong brgy.
Miingon si CDEU chief Sr/Insp Excelso Alcantara nga unang nagpabuto sa kalibre 45 nga armas ang suspek hinungdan nga paspas usab mibalos ang back-up sa kauban nila nga pulis nga nakig-transaction niini.
Naigo sa bukton ug dughang ang biktima hinungdan sa iyang kamatayon.
Narekober sa crime scene ang armas,sachet sa suspected shabu ug marked money.
Kini na ang ikatulo nga suspected drug pusher nga napatay sa CDEU dihang giingong misukol sa ilang operasyon sukad sa Agosto ning tuiga.
