CAGAYAN DE ORO CITY -Dead in arrival ang suspek sa pagpamaligya sa gitoohang shabu human giingong misukol sa kapolisan atol sa gilusad nga buybust operation diha sa Purok 7,Southern Looc, Plaridel, Misamis Occidental.
Giila ang suspek nga si Fernando Gabisan, hingkod ang pangidaron nga taga Ozamiz City ug temporaryong nagpuyo sa Purok 5,Northern Poblacion,Plaridel.
Nahitabo ang engkwentro sa dihang gikasa ang operasyon human magpositibo ang test buy sa ‘poseur buyer’ diin nakuhaan ug pinutos sa gituohang shabu nga gibana-banang motimbang ug punto singko gramos, pistola nga adunay nga bala ug cash.
Nasayran nga taod-taod nang gipanid-an ang lihok ni Gabisan ayha ang nasampit nga operasyon.
Nakaangkon ang suspek ug unom ka igo sa lawas hinungdan sa iyang hinanali nga kamatayon.
