CAGAYAN DE ORO CITY-Patay sa joint anti-illegal drug buy bust operation ang suspected pusher sa Purok Sto. Niño, Brgy Sta. Filomena, Iligan City.
Kini human giingong misukol sa kapolisan ang suspek nga si Michael Datu,hingkod ang panuigon,ulitawo ug nagpuyo sa Brgy Saray sa maong syudad.
Miingon si Sr/Insp Mark Ian Quieta,commander sa Iligan City Police Office Station 5 nga nakig-pinusilay gamit ang kalibre 45 nga armas ang suspek dihang nakabantay kini nga pulis ang gikasabot niini sa pagbaligya sa droga.
Naigo sa dughan ug kamot ang biktima hinungdan dead on arrival nang naatiman sa mga doktor.
Narekober sa crimescene ang unom ka sachets sa gitoohang shabu,P500 marked money ug kalibre 45 nga armas nga gamit sa suspek.
Sa miagi usab semana,napusilan-patay sa kapolisan ang suspected pusher kay misukol sa operasyon diha sa Brgy Carmen ning syudad.
