CAGAYAN DE ORO CITY-Patay sa gilusad nga drug buybust operation ang usa ka iladong drug peddler sa Malabang,Lanao del Sur.
Giila sa Lanao del Sur Police Provincial Office Director Police Sr Supt Madzgani Mukaram ang suspek nga si Caharodin Abocadama, 28 anyos ug residente sa Brgy. Banday sa probinsya.
Gibutyag ni Mukaram nga misukol samtang nakig-negosyar sa presyo sa druga ang suspek sa mga pulis nga nagpaka-aron ingnon nga mga kostomer niini.
Misangko sa pagpinusilay ang negosasyon hinungdan nga napatay sa operasyon ang suspek.
Narekober sa crime scene ang kalibre 45 nga armas nga loaded sa unom ka bala, usa ka pakete nga shabu ug P200 nga marked money.
