CAGAYAN DE ORO CITY – Gikasuhan sa PDEA-Misamis Oriental Team sa kasong pagsupak sa Dangerous Drugs Act of 2002 ang negosyante nga gitoohang suspected druglord sa piskalya ning syudad.
Kini human unang nadakpan sa gihimong search warrant operation ang suspek nga si Zenaida Pangunot,hingkod ang edad nga lumad taga-Marawi City,Lanao del Sur tungod sa nabawi nga gitoohang shabu sa pinuy-anan niini sa Upper Carmen sa syudad sa miaging adlaw.
Miingon si PDEA Misamis Oriental Provincial Director Expedito Cardona nga makonsidera nila nga dakong isda ang suspek kay hangtod sa mga syudad sa National Capital Region ang pag-suplay niini sa shabu gikan dinhi sa Mindanao.
Unang nabawi gikan sa suspek ang 136-mil pesos nga balor sa gitoohang shabu ug ubang paraphernelia atol sa operasyon sa miaging Lunes sa hapon.
