CAGAYAN DE ORO CITY-Nabawi sa hiniusang operasyon sa PNP ug NBI-10 ang dul-ag milyong balor sa gitoohang shabu gikan sa suspected druglord diha sa Bloomingdale Subd,Brgy Iponan sa syudad kagabii.
Maoy nasikop sa grupo ni Opol Police Station commander C/Insp Randy Anito ang suspek nga si Naira Kairan Zosa nga nagpuyo sa maong dapit.
Nabawi sa mga otoridad gikan kang Zosa ang 10 ka nagkadaiyang gindak-on sa suspected shabu diin nagbalor sa halos milyon ka pesos ug P4-mil 500 cash.
Gawas sa NBI-10,miabag usab sa grupo ni Anito ang kapolisan gikan sa kapolisan dinhi sa syudad.Samtang gihimakak sa suspected high value target nga si Zosa nga gikan kaniya ang nabawi sa mga otoridad nga shabu.
Namugos si Zosa nga igo lamang gibilin sa iyang wala panganli nga higala ang shabu nga gikan sa Marawi City.
Si Zosa nga nagpuyo sa Brgy Iponan ning syudad ang gitakdang kasuhan sa kapolisan sa provincial prosecutor’s office ning adlawa.
