CAGAYAN DE ORO CITY-Gilugwa na sa kapolisan ang carthograpic sketch bahin sa suspek nga mipatay sa empleyado sa Cagayan de Oro Corn Products diha sa Brgy Tablon sa syudad sa miaging adlaw.
Kini human nasaksihan sa duha ka testigo ang dagway sa wala mailang suspek nga mitulis-patay sa biktima nga si Robert Luz nga taga-Jasaan,Misamis Oriental.
Miingon si Cagayan de Oro City Police Office spokesperson Supt Mardi Hortillosa nga sa pagkakaron,wala pa sila’y ideya sa lokasyon sa suspek hinungdan nagpatabang sa katawhan.
Si Luz ang gikan nag-withdraw sa 140-mil pesos nga salapi pang-suweldo sa mga empleyado sa maong kompanya dihang gitulis ayha gipusil.
Nasuta usab nga anak ni kanhi police general Roberto Luz ang nahisgutang biktima.
