CAGAYAN DE ORO CITY – Kasuha’g kriminal sa kapolisan ang lalaki nga kalit misulod sa balay ug nang-hostage sa babaye nga nagpuyo sa Zone 9,Adelfa Street,Brgy Carmen ning syudad.
Kini human nagresulta sa pagkasamad kay gidunggab sa suspek nga si Arnold Cioco,legal ang edad ug giingong naggikan sa Baroy,Lanao del Norte ang biktima nga si Vilma Abrenica nga nagpuyo sa lugar.
Namahayag si Lt Col Evan Viñas,tigpamaba sa Cagayan de Oro City Police Office nga ipaubos pa sa mental check sa mga doktor ang suspek kay gidudahan nga dunay apan sa pangisip.
Siya miingon nga angay una sutaon kon tinood nga may depekto sa utok ang suspek kay kon wala dayon nila’g kasong kriminal sa piskalya ning syudad.
Una niini,samaron ang biktima sa abaga ug tudlo kay gigamita’g gunting sa suspek samtang samdan usab ang paa sa usa sa mga pulis nga nagtinguha pagdakop kaniya kaganihang hapon.
