CAGAYAN DE ORO CITY – Nadakpan sa hiniusang operasyon sa Philippine Drug Enforcement Agency 10 kinuyugan sa Cagayan de Oro City Police Office ang suspected high value individual sa buy bust operation sa Brgy Gusa ning syudad.
Giila ni PDEA 10 regional director Atty Benjie Gaspi ang dinakpan nga si alyas Yvor,legal age nga nagsilbing top 9 regional drug personality.
Nakompiskar gikan sa dinakpan ang 10 gramos nga gitoohang shabu nga adunay 68-mil pesos nga market value.
Atubangon sa suspek ang kasong pagsupak sa Comprehensive Dangerous Drugs Act of 2002 sa piskalya ning syudad.
