CAGAYAN DEO CITY – Kasuhan sa pagsupak sa Dangerous Drugs Act of 2002 ang suspected high value target nga nadakpan sa hiniusang operasyon sa kapolisan sa Brgy Panang,Wao,Lanao del Sur.
Sulti ni Police Regional Office Bangsamoro Autonomous Region Director Brig Gen Prexy Tanggawohn nga nabawi gikan sa HVT suspect ang 10 gramos sa gitoohang shabu nga halos nagkantidad sa 70-mil pesos.
Siya miingon nga kampante sila nga makuha pa nila ang dugang high value drug suspects aron mapu-o ang pagpayuhot sa ilegal nga kargamento sa maong rehiyon.
Sa miaging mga bulan,daghang dakop sa PNP ug PDEA-BARRM ang gihimo sa Lanao del Sur diin minilyong balor sa gitoohang shabu ang nakomiskar gikan sa targeted suspects.
