CAGAYAN DE ORO CITY – Nag-atubang na sa kasong kidnapping ang suspected kidnapper nga nadakpan sa hiniusang pursuit operation sa PNP samtang nagtagu-tago sa Balingasag,Misamis Oriental.
Giila ni Police Regional Office 10 spokesperson Police Maj. Joann Navarro ang dinakpan nga si Renato Ortiz Jr alyas Jonny Fortes,taga-Iligan City ug suspek pagdagit sa magsoon babaye nga menor de edad didto sa Ozamiz City.
Miingon si Navarro nga nakipuyo ang suspek sa balay sa mga biktima apan pagkalipat sa ginikanan sa mga bata,dali-dali kining gipasakay sa barko aron dad-on dinhi sa lalawigan.
Nabalik na sa kustodiya sa mga ginikanan ang mga biktima samtang ang suspek balhog usab sa provincial jail sa Misamis Occidental.
