CAGAYAN DE ORO CITY – Nadakpan na pinasikad sa warrant of arrest sa korte ang duha sa tulo ka akusado pagpusil-patay sa PWD radio broadcaster nga si Juan ‘DJ Johnny’ Walker’ Jumalon sa lungsod sa Calamba,Misamis Occidental sa miaging Nobyembre 5 ning tuiga.
Giila ni Misamis Occidental PNP Director Col. Dwight Monato ang mag-agaw nga akusado nga sila Boboy Saragay Bongcawel ug Renante Saja Bongcawel nga pulos taga-Brgy Manla,Sapangdalaga sa maong lalawigan.
Namahayag si Monato nga nagsumikad ang arrest order kang Regional Trial Court o RTC Branch 36 Calamba Executive Judge Michael Ajoc diin dunay gihuptang lig-ong basehan aron itaral ang mga akusado.
Padayong gipangita pa usab sa task force Johnny Walker ang mismong mipusil-patay kang Jumalon nga si Julito Mangumpit alyas Ricky.
Dumduman nga naka-facebook live program si Jumalon dihang gipusil-patay sa mga suspek rason naglugwa sa halos 4 million pesos nga reward money ang gobierno aron madali ang pagsulbad sa kremin.
