CAGAYAN DE ORO CITY – Gisikop sa kapolisan si Clarin,Misamis Occidental Mayor David Navarro sulod sa Mactan Cebu International Airport sa Cebu City kagahapon sa hapon.
Kini human gireklamo sa masahista nga nga si John Dueña nga nangulata kaniya samtang magpamasahe unta si Navarro sa maong lugar.
Miingon si Police Major Eduard Sanchez, hepe sa Abellana Police Station nga nasuko si Navarro dihang walay babaye nga masahista nga moserbisyo kaniya hinungdan nga si Dueña ang nag-atiman na lamang unta kaniya.
Apan kulata gikan kang Navarro ug sa iyang bodyguards ang nadawat niini hinungdan sa pagreklamo sa kapolisan.
Namugos usab si Navarro kinsa anaa sa narcolist ni Pres Rodrigo Duterte nga napasakitan niya ang biktima kay giingong nagbinastos kini kaniya.
Kasuhan ni Dueña sa acts of lasciviousness ug physical injury si Navarro ning adlawa.
