Gitawag ni Department of Interior and Local Government Secretary Benjamin Abalos Jr nga “demonyo” ang gidagnayan nga notoryos child ug sex trafficker nga si Teddy Jay Mojeca Mejia, kinsa nadakpan didto sa United Arab Emirates.
Kini human gi-presentar nila Abalos ug PNP Chief General Rommel Marbil si Mejia ug gibutyag nga nag-atubang kinig patong patong nga kaso sama sa statutory rape, qualified trafficking in persons, Anti-Online Sexual Abuse o Exploitation of Children ug paglapas sa Anti-Child Sexual Abuse o Exploitation Materials Act.
Miingon si Abalos nga upat sa mga miyembro ni Mejia ang nasikop kundiin modus operandi sa mga sindikato ang pagdani sa mga biktima nga magpadalag mga hubo nga hulagway o mga video sa ilang pribadong lawas pinaagi sa messenger ug iya kining kamyuhan sa salapi.
Base sa record sa PNP misaka pa sa 111 ang na biktima ni Mejia ug anaa lamang sa 22 ang na-rescue sa mga otoridad niadtong Setyembre 9.(Bombo Anne Quileste).
