CAGAYAN DE ORO CITY – Gitakdang kasuhan sa pagsupak sa Comprehensive Dangerous Drugs Act of 2022 ang dinakpan nga suspected drug pusher sa buy bust operation sa Purok 6,Brgy East Kili-kili,Wao,Lanao del Sur.
Giila ang dinakpan nga si alyas Noro,legal ang edad ug nagpuyo sa lugar diin nabawian sa 50 gramos nga gitoohang shabu nga nagkantidad sa 340-mil pesos.
Gibutyag ni Lanao del Sur Police Provincial Office Director Col. Robert Daculan nga ang maong operasyon,gipanguluhan sa PDEA-Bangsamoro Autonomous Region kinuyugan sa mga sundalo’g pulis rason dali nadakpan ang suspek.
Gidala una sa kustodiya sa PDEA-BAR ang dinakpan samtang hulaton ang mando sa korte nga isulod na sa regular jail alang sa pagligid sa iyang atubangong kaso.
