CAGAYAN DE ORO CITY – Patay ang usa ka lalaki samtang samaron usab ang usa ka pulis sa gipahigayong pagsilbi sa search warrant sa Purok Paradise 2 Cabalantian, Manticao Misamis Oriental.
Giila ang napatay nga si Ariel Macas Jr, 32-anyos, dunay ka live-in ug residente sa maong lugar.
Gibutyag ni Police Master Sgt Roel Limocon, imbestigador sa Manticao PNP nga magsilbi lamang unta’g search warrant ang mga pulis sa pagpangulo sa Provincial Drugs Enforcement Unit – MisOr sa panimalay ni Macas.
Apan nakamalay ang subject busa gipabuthan niini sa iyang armas ang mga pulis.
Nasamdan sa iyang kamot si Police Corporal George Sordella sa PDEU busa mibalos pagpusil ang ilang tropa nga miresulta sa kamatayon ni Macas.
